Հոլանտայի մէջ իր մահկանացուն կնքած է Ծովիկ Մինասեանը: Այս մասին տեղեկութիւն ստացանք հանգուցեալի հարազատներէն: Մինասեան ծնեալ Առաքելեան բնիկ Հալէպցի էր (արմատները Արեւմտահայաստանի Խարբերդ քաղաքէն): Ամուսնացած էր Արիս Մինասեանին հետ եւ բախտաւորուած էին չորս զաւակներով: Մինասեաններու ընտանիքը ապրած է Գամիշլի մինչեւ 1987 թուականը, երբ անոնք ընտանեօք փոխադրուած են Հոլանտա: Հանգուցեալը վերջին ամիսներուն կը պայքարէր ծանր հիւանդութեան դէմ, որուն հետեւանքով ալ փակեց իր աչքերը:
Հանգուցեալի յուղարկաւորութեան եւ թաղման արարողութեան մասին պիտի հաղորդուի աւելի ուշ:
Այս տխուր առթիւ «Արեւելք» իր խորազգաց ցաւակցութիւնները կը յղէ հանգուցեալի ընտանիքին եւ մասնաւորապէս թերթիս մօտիկ բարեկամ Տիար Արտօ Առաքելեանին: