Հալէպի մէջ, 2 փետրուարին ցաւալի միջադէպ մը պատահած է Տապպաղեան ընտանիքի հետ, որուն զոհ գացած է ընտանիքի երկու անդամ: Այս մասին «Արեւելք» տեղեկութիւն ստացաւ Հալէպի իր աղբիւրէն:
1 Փետրուարի գիշերուայ ժամերուն, երբ Տապպաղեան ընտանիքի անդամները քնացած եղած են տան մէջ կրակ մը գոյացած է եւ անկէ առաջացած ծուխի պատճառով շնչահեղձ եղած եւ մահացած են Ալիս Ապտոյեան Տապպաղեանն ու անոր ամուսնոյն եղբայր՝ Անթուան Տապպղեանը:
Տան մէջ եղած է նաեւ Ալիսի ամուսինը, որ հիւանդանոց տեղափոխուած է:
Կրակի առաջացման պատճառերը դեռ չեն պարզուած: