Հունվարի 27-ին Բաղդադում ՀՀ դեսպանությունը հանդիսավոր կերպով Հայաստանի հանրապետության քաղաքացու անձնագիր է հանձնել Իրաքի Քուրդիստանի Դհոք քաղաքից հայուհի Երևան Ամինյանին։ Այդ մասին տեղեկանում ենք դեսպանատնից: Երևան Ամինյանը Դհոքի այն քչաթիվ հայերից է, որ մնացել է Իրաքյան Քուրդիստանում և պահպանել է հայությունը: Դհոքում գործում է նաև Սուրբ Ներսես Շնորհալի Հայ առաքելական եկեղեցին: