14.09c
Երեվան
շբթ, ապր 20
Սուրիահայ շրջանակներուն մօտ յայտնի անուն հանդիսացող երգիչ՝ Աբիկ Արոյեան իր դիմատետրի էջին տեսանիւթ մը հրապարկելով ներողութիւն խնդրած է հայութենէն:
Ան նշած է, որ Երեւանի մէջ օրեր առաջ, որպէս երգիչ կը գտնուէր կնունքի արարողութենէն ետք տեղի ունեցող խրախճանքին, ուր իր ըսելով կային պոլսահայեր ու ան ընդառաջելով անոնց փափաքին թրքերէնով երգ երգած է:
Արոյեան մասնաւորապէս ըսած է. «Իրենց խնդրանքով փոքր մաս մը ես թրքերէնով երգեցի: Յարգելի հայ ժողովուրդ ես ներողութիւն կը խնդրեմ եղածին համար»,-ըսած է երգիչը:
Մեր տեղեկութիւններով Արոյեան ծնած է Սուրիոյ Ճէզիրէ շրջանին մէջ ու տարիներէ ի վեր կը զբաղուի երգարուեստով:
Լայն տարածում ունին Արոյեանի ոչ միայն հայերէն, այլ նաեւ արաբերէն լեզուով ըրած կատարումները:
Յիշեցնենք, որ Արոյեան այս տեսանիւթը հրապարակած է նկատելէ ետք, որ թեմային շուրջ թէժ ու մեղադրական քննարկումներ կը կատարուին յատկապէս համացանցային կարգ մը էջերու վրայ:
