16.09c
Երեվան
հնգ, ապր 18
Երեւան- Հայ մարմնակրթական ընդհանուր միութեան (Հ.Մ.Ը.Մ.) կեդրոնական վարչութիւնը ներկայացնող պատուիրակութիւն մը այսօր այցելութիւն տուած է ՀՀ պաշտպանութեան նախարար Սէյրան Օհանեանին: Նախարար Օհանեան ողջունելէ ետք պատուիրակութեան անդամները բարձր գնահատած է Հ.Մ.Ը.Մ.ի ունեցած նուիրական դերը հայ երիտասարդութեան ազգային դիմագիծ եւ նուիրական ոգի ջամբելու գործին մէջ: Իր կարգին Կեդրոնական Վարչութեան Ատենապետ Գառնիկ Մկրտիչեան իր խօսքով յայտնած է, թէ Հ.Մ.Ը.Մ.ի համար հիմնական առաքելութիւն կը մնայ սփիւռքահայ երիտասարդութիւնը կապել մայր հայրենիքին տարբեր տեսակի մարզական միջոցառումներ եւ բանակումներ իրականցնելով: Նշենք, որ գրեթէ հարիւր տարուան տարուան աւանդ ունեցող Հ.Մ.Ը.Մ.ը ունի 108 մասնաճիւղեր, ուր ներգաւուած են 26.000 սկաուտներ եւ մարզիկներ:
