21.09c
Երեվան
շբթ, ապր 20
Կանադական thechronicleherald.ca կայքը նյութ է պատաստել կանադացի բուժքույր Սառա Քորնինգի մասին` նրան անվանելով 20-րդ դարի հերոսուհի, ով փրկել է հազարավոր մարդկանց, այդ թվում` 5000 հայի կյանք:
Կայքը գրում է, որ 1872թ.-ին Կանադայի Նոր Շոտլանտիա նահանգի Չեգոգին փոքրիկ քաղաքում է ծնվել Կանադայի ամենահայտնի գթության քույրը: Նրա` բուժքույր դառնալու որոշումն այդ տարիներին Կանադայում ապրող երիտասարդ աղջկա համար շատ համարձակ քայլ էր դիտվում, որից հետո նրա կյանքը դառնում է նվիրաբերումների մատյան: Հայոց Ցեղասպանության մասին Սառա Քորնինգն իմացել է մամուլից: Առաջին համաշխարհային պատերազմի տարիներին նա անդամագրվել է Ամերիկյան Կարմիր Խաչին, իբրև կամավոր մեկնել Օսմանյան կայսրություն` օգնության ձեռք մեկնելու թուրքական կոտորածներից մազապուրժ հայերին: Սառա Քորնինգը Զմյուռնիայում հավաքագրել է հիմնականում իգական սեռի մինչև 12 տարեկան շուրջ 5000 հայ, նաև հույն երեխաներ, որոնց ամերիկյան ռազմանավերով տեղափոխել է Հունաստան: Այստեղ նա հիմնել է որբանոց` իր սաներին կրթելով և դաստիարակելով որպես քրիստոնյաներ: Կայքը տեղեկացնում է, որ Սառան իր ապրած կյանքով ցույց է տվել, որ բարեկամության և օգնության համար պարզված ձեռքերն ավելի զորավոր և բուժիչ են, քան` պատմության պահած անակնկալները:
Կայքը նշում է, որ չնայած Սառա Քորնինգը շատ հայտնի չէ իր ծննդավայր Նոր Շոտլանդիայում, բայց շատ լավ ճանաչված է Կանադայի հայկական համայնքում. 2012-թ.ի սեպտեմբերին Տորոնտոյում «Սառա Քորնինգ» անվամբ կենտրոն է բացվել:
Իր կյանքի վերջին օրերը Սառա Քորնինգն անցկացրել է ծննդավայրում, ուր էլ մահացել է 97 տարեկանում`1967-ին: Նրա տապանաքարի վրա գրված է «Ապրեց՝ ծառայելու համար»:
