14.09c
Երեվան
ուրբ, ապր 19
Թիֆլիսի իր բնակարանին մէջ մահացած յայտնաբերուած է վրացի դերասանուհի Լիքա Քաւժարածէ: Այս մասին կը յայտնէ «Новости-Грузия», վկայակոչելով երկրի ՆԳՆ մամոյ ծառայութիւնը:
Դերասանուհին քանի մը օրէն 58 տարեկան պիտի դառնար: Նախնական տեղեկութիւններով, մահը բնական եղած է, բայց քրէական գործ յարուցուած է, «անձնասպանութեան հասցնել»ու յօդուածով:
Քաւժարածէ ծնած է Թիֆլիս, 1959 թուականի Հոկտեմբերի 26-ին: 1973 թուականին ան աւարտած է Սարաճիշվիլիի անուան Թիֆլիսի պետական քոնսերուաթորիան:
Դերասանական ասպարէզ մուտք գործած է 1972 թուականին: Այդ ժամանակ զին հրաւիրած են աշխատանքի «Քարթուլի փիլմի» («Վրացական ֆիլմ») սթուտիօ: Դերասանուհիին ճանաչում բերած է բեմադրիչ Թենկիզ Ապուլածէի «Ցանկութիւններու ծառը» ֆիլմը: Ան նկարահանուած է մօտ 20 ֆիլմի մէջ, այդ թուին՝ «Ընտանիքը», «Թիթեռ» եւ այլ ֆիլմեր:
Լիքա Քաւժարածէ կը համարուէր վրացական ֆիլմաշխարհի ամենագեղեցիկ դերասանուհիներէն մին:
