Պէյրութի մէջ իր մահկանացուն կնքած է երիտասարդական շրջանակներուն մօտ «Տի. Ճէյ. Շանթ» անունով ծանօթ Շանթ Օհանեանը: Երիտասարդ հայորդիին մահուան լուրը ստացանք անոր ընկերներէն:
Մեր ունեցած տեղեկութիւններով, Շանթ Օհանեանը վերջին ամիսներուն կը տառապէր սրտի անհանգստութիւնէ, որուն համար ալ ենթարկուած է վիրաբուժական գործողութեան: Շաբաթ մը առաջ Շանթի վիճակը ծանրացած է եւ ան այսօր հիւանդանոցի սենեակին մէջ աւանդած է իր հոգին:
Շանթ Օհանեան եղած է աշխոյժ մէկ անդամը Հ.Մ.Ը.Մ.ի Պուրճ Համուտ շրջանի մասնաճիւղին:
Հանգուցեալին մահուան բօթը ստանալէ ետք պէյրութահայ «Ռափ» երգիչ Ալպէրովիչ իր Ֆէյսպուքեան էջին գրառում մը ընելով ըսած է. «RIP Շանթ, մեծ եղբայր եւ օգտակար ընկեր էիր բոլորիս, հոգիդ լոյսերու մէջ մնայ»: