image

Տիարպէքիրի եկեղեցիները տակաւին փակ են այցելութիւններու եւ ծիսակատարութիւններու համար

Տիարպէքիրի եկեղեցիները տակաւին փակ են այցելութիւններու եւ ծիսակատարութիւններու համար

Տիարպէքիրի Սուր շրջանին մէջ գտնուող քրիստոնէական տարբեր ուղղութիւններու պատկանող եկեղեցիները փակ են այցելութիւններու եւ ծիսա-կատարութիւններու համար:  Այս մասին կը յայտնէ «Ակօս» շաբաթաթերթը՝ յիշե-ցնելովոր 2015 թուականին քիւրտերու եւ պետութեան միջեւ սկսած բախումներուն հետե-ւանքով մեծ վնաս կրած էին նաեւ կրօնական նշանակութիւն ունեցող շէնքերը:

 

Բախումներէ եւ աւերածութիւններէ ետք 2016 թուականի Մարտի 25-ին կառավարութիւնը Սուրի մեծ մասը պետութեան օգտին օտարելու որոշում կայացուցած էր: Օտարման ներկայացուած եղած է նաեւ Տիարպէքիրի հայկական Ս. Կիրակոս եկեղեցին, որուն հիմնադրամը կառավարութեան որոշումը բողոքարկող հայց ներկայացուցած էր Վերաքննիչ դատարան: Դատարանը կառավարութեան որոշումը դադրեցնելու վճիռ կայացուցած էր, սակայն դատական գործընթացը տակաւին կը շարունակուի:

 

Նշուած է, որ Ս. Կիրակոս եկեղեցին արդէն 3 տարի է, որ փակ է եւ այնտեղ արարողութիւններ չեն կատարուիր, իսկ տեղի հայ բնակչութիւնը կրօնական ծէսերու համար այլ եկեղեցի չունի:

 

Տարածքը, ուր կը գտնուի եկեղեցին, գրեթէ ամբողջութեամբ փակ է: Եկեղեցւոյ հիմնադրամի ղեկավարները քանի մը ամիս առաջ յատուկ արտօնութեամբ միայն կրցած էին եկեղեցի այցելել: Ս. Կիրակոսի հիմնական շէնքի պատերէն բացի միւս շինութիւնները վնասուած են, ապակիները՝ կոտրուած: 

 

Հիմնադրամի ղեկավարութիւնը բացի ներկայացուցած բողոքարկումէն, կապ կը պահպանէ պետական կառոյցներուն հետ: Անոնց խոստացած են, որ պետութիւնը պիտի հատուցէ վնասը: Բացի Ս. Կիրակոսէն իշխանութիւնները խոստացած են վերականգնել հայկական կաթողիկէ Ս. Սարգիս եկեղեցին, որ ամենաշատ վնասը կրած էր: