Ռուսական «Լուքօյլ» նաւթային եւ ուժանիւթի ընկերութեան մատակարարման ու վաճառքի պատասխանատու Վատիմ Վորոպիովյայտարարած է, որ իրենց ընկերութիւնը հետաքրքրուած է Թուրքիոյ ուժանիւթի եւ նաւթային պաշարներով, սակայն մօտակայժամանակներս խոշոր ծրագիրներ պիտի չիրականացուին:
Ըստ թրքական «Ahaber» լրատուամիջոցին, անոր խօսքերով, Թուրքիոյ ուժանիւթի պաշարները «Լուքօյլ» ի համար ունին ռազմավարական նշանակութիւն:
Վորոպիով նշած է, որ 2000 թուականէն մինչեւ 2010 թուական թրքական շուկային մէջ աշխատիլը աւելի ձեռնտու էր, քան Եւրոպական շուկան: Բայց յետոյ ընկերութեան օգուտներու ծաւալները Թուրքիոյ մէջ նուազեցան, բան մը, որ բացասական ազդեցութիւն ունեցաւ իրենց վրայ: Այդ մէկը պայմանաւորուած էր առաջին հերթին նիւթական ճգնաժամով:
«Կը կարծեմ, որ ճգնաժամի պատճառով յառաջիկայ 3-4 տարիներուն պիտի չմեծցնենք մեր գործունէութիւնը Թուրքիոյ մէջ: Բայց մանրածախ վաճառքի հարցին մէջ պատրաստ ենք համագործակցիլ Թուրքիոյ մէջ գործող ընկերութիւններու հետ: Թուրքիոյ նաւթային պաշարներու շուկան մեզի համար ռազմակավարական կարեւորութիւն ունի: Ընկերութիւնը թրքական շուկայի մէջ ունեցած իր չափաբաժին աւելացնելու համար շարունակաբար տարբերակներ կ'ուսումնասիրէ»,- նշած է Վորոպիով:
Վերջինս նշած է նաեւ, որ թրքական շուկայի մէջ գործող ընկերութիւններուն հետ համագործակցելեու հարցը քննարկուած է Ատրպէյճանի պետական նաւթային ընկերութեան (SOCAR) հետ: