Աւստրալիացի գիտնական մը պարզեց «Պէրմուտա»-ի առեղծուածը, որ կը գտնուի Ատլանտեան ովկիանոսի հիւսիսը։
Յիշեցնենք, որ 1945 թուականէն՝ «Պէրմուտա»ի վրայէն անցած բոլոր նաւերն ու օդանաւերը կը կորսուէին եւ անհնար կ’ըլլար գիտնալ այդ փոխադրամիջոցներուն ճակատագիրը: Այս իրավիճակը պատճառեց վախ եւ մտահոգութիւն։ Շատ տարբեր վերլուծումներ կատարուեցան այս հարցի մասին։
Աւստրալիացի գիտնականը բացայայտած է որ վախի ու մտահոգութեան կարիք չկայ: Ըստ վերջինիս՝ այսքան տարիներէ պատահած դէպքերուն պատճառը՝ փոխադրամիջոցներուն վարորդներն են:
Ըստ գիտնականին՝ այդ շրջանին եղանակը քիչ մը տարբեր է եւ վերահսկելը՝ դժուար: Ուստի եթէ վարորդները պատրաստուած ըլլային, սորվէին, եւ տեղեկութիւններ ունենային՝ ոչ մէկ արկած կը պատահէր ոչ ալ սուտ կամ սխալ վերլուծումներ կը կատարուէին, որոնք վախ եւ մտահոգութիւն պատճառած են տարիներու ընթացքին։