Այսօր Լոս Անճելոսի մէջ իր մահկանացուն կնքած է երաժիշտ՝ Կոկան: Այս մասին «Արեւելք» տեղեկութիւն ստացաւ Հալէպի իր աղբիւրէն: Նշենք, որ Հայաստան ծնած երաժիշտը ասկէ շուրջ 15 տարիներ առաջ յայտնի անուն էր հալէպահայ մշակութային շրջանակներուն մէջ:
Ան, որպէս վարպետ դաշնակահար ելոյթներով հանդէս կու գար Հալէպի Amir Palace հռչակաւոր պանդոկին մէջ: Վերջին տասնամեակին երաժիշտը պայմաններու բերումով գաղթած է Միացեալ Նահանգներ:
Երեւան ծնած երաժիշտը վերջին շրջանին երաժշտական դասեր կու տար Ֆիլիբեան արամատներ ունեցող աշակերտներու, ուր նաեւ կը ներկայացնէր հայկական երաժշտական կտորներ: Ըստ մեր տուեալներուն ան անակնկալ անհանգստութեան մը հետեւանքով փոխադրուած է հիւանդանոց ու հոն աւանդած իր հոգին: