13.09c
Երեվան
հնգ, ապր 25
Սպահանի «Ալ-Զահրա» ուսուցման եւ բժշկական կենտրոնի (ICU) բաժանմունքում աշխատող հայ բուժքույր Անահիտ Փիլոսյանը, Սպահանի Հիվանդապահության համակարգի կազմակերպության (سازمان نظام پرستاری) կողմից ճանաչվել է որպես իրանական 1395 թվականի (2017 թ.) օրինակելի բուժքույր՝ մասնագիտական բարձր հմտությունների, հիվանդների նկատմամբ ցուցաբերած հոգատարության եւ աշխատանքում դրսեւորած պարտաճանաչության ու բծախնդրության համար, տեղեկանում ենք Նոր Ջուղայի ազգային առաջնորդարանից:
Անահիտ Փիլոսյանը ծնվել է 1976 թվականին, Ահվազում, ուր եւ ապրել է մինչեւ ամուսնանալը՝ 2000 թվականը: Նա իր դպրոցական կրթությունն ստացել է Ահվազի հայոց ազգային «Քարուն» տարրական եւ «Րաֆֆի» ուղեցույց եւ պարսկական «Էֆաթ» միջնակարգ դպրոցներում:
Այնուհետեւ մասնակցելով համալսարանների մուտքի քննությանը՝ ընդունվել է Ահվազի Ազատ համալսարանի հիվանդապահության ճյուղը եւ ավարտել 2000 թվականին: Նա աշխատանքի է անցել «Ալ-Զահրա» հիվանդանոցում՝ 2001 թվականից եւ մինչեւ օրս անդամակցում է Սպահանի Հիվանդապահության համակարգի կազմակերպությանը:
