image
Հրատապ լուրեր:

Սեբաստիոյ 11-13 դարերու պատկանող հայկական եկեղեցին ոչնչացման եզրին

Սեբաստիոյ 11-13 դարերու պատկանող հայկական եկեղեցին ոչնչացման եզրին

Թուրքիոյ Սվազի շրջանին մէջ (պատմական Սեբաստիա), «Նուրի Տեմիրտաղ» օդակայանի ճամբուն վրայ գտնուող հայկական հին եկեղեցին մատնուած է լքումի: Այս մասին կը գրէ «Հայթերթ»ը, նշելով, որ եկեղեցին կը գտնուի ոչնչացման եզրին:

Համայնքը քանի մը անգամ ահազանգած է, թէ եկեղեցին ունի նորոգման կարիք, այլապէս պիտի ոչնչանայ: Նահանգապետարանը նախաձեռնած է քանի մը ծրագիրներու, որոնց իբրեւ արդիւնք՝ աւելի շատ զբօսաշրջիկներ այցելած են եկեղեցին, սակայն եկեղեցւոյ նորոգման հարցով որեւէ գործնական քայլ չէ առնուած:

Ամէն տարի, Սուրբ Աստուածածնայ տօնին, այնտեղ կը հաւաքուին Թուրքիոյ տարբեր շրջաններ բնակող սեբաստացի հայերու թոռները: Եկեղեցւոյ հայկական անուանումը չէ պահպանուած, սակայն յայտնի է, որ անիկա կառուցուած է 11-13 դարերուն: