Սիրիահայ բարերարուհի Անժել Չեմբերջյանն այցելել է «ՀԱԼԷՊ» հայրենակցական բարեսիրական հասարակական կազմակերպության նոր կենտրոն, այդ մասին տեղեկացնում են կազմակերպությունից, նշելով, որ կենտրոնի գործունեությանը ծանոթանալոց հետո բարերարը հանդիպել է «ՀԱԼԷՊ» կազմակերպության ներքո գործող «Արևիկ-Հայաստան» հաշմանդամության խնդիրներ ունեցող սիրիահայ անձանց կենտրոնի ուսուցիչներին և սաներին:
Բարձր գնահատելով «ՀԱԼԷՊ» կազմակերպության ջանքերը՝ ուղղված սիրիահայ համայնքի հաստատմանը և կայացմանը Հայաստանում՝ տիկին Չեմբերջյանն իր երախտիքի խոսքն է հայտնել կենտրոնում հյուրընկալվելու համար և մաղթել է նորանոր հաջողություններ:
Հանդիպման ավարտին «Արևիկ-Հայաստան» կենտրոնի սաներն ասմունքել ու երգել են` յուրովի հայտնելով իրենց շնորհակալությունը պատվավոր հյուրին։