Հնդիկներու համար սուրբ համարուող Կանկես գետին մէջ տասնեակ մարդոց մարմիններ յայտնաբերուած են, որոնք, հաւանաբար, մահացած են «Քորոնա» ժահրէն:
Ինչպէս կը յայտնէ The Times of India պարբերականը, Պիհար նահանգի Պուքսար քաղաքի ղեկավարութենէն կարծիք յայտնած են, որ մարմինները հարեւան Ուտար Պրատեշ նահանգէն յայտնուած են ջուրին մէջ: Տեղի բնակիչներէն ոմանք կ'ենթադրեն, որ մահացածներու մարմինները հարազատները գետը նետած են: Անոնց կարծիքով՝ պատճառը աւանդական ծէսերու՝ դիակիզման արարողութեան ծախսալից ըլլալն է կամ մահացածներու՝ ժահրով վարակուած ըլլալու հանգամանքը:Պուքսարի բնակիչները տեղի լրատուամիջոցներուն յայտնած են, որ 100-150 կիսաքայքայուած մարմին յայտնաբերուած է Կանկեսի ափերուն: Քաղաքացիները վախցած են եւ իշխանութիւններէն կը պահանջեն անյապաղ միջոցառումներ ձեռնարկել:Պուքսարի շրջանային դատարանէն յայտնած են, որ մեղաւորներու նկատմամբ, որոնք ժահրով վարակուածներու մարմիններն առանց դիակիզելու նետած են ջուրը, խիստ միջոցներ պիտի ձեռնարկուին:Նշուած է, որ յայտնաբերուած մարմիններու դիակիզումը՝ աւանդական ծիսակարգով, պիտի իրականացուի կառավարութեան հաշուոյն:Հնդկաստանի մէջ համավարակի ողջ ընթացքին «Քորոնա» ժահրով վարակուածներու թիւը գերազանցած է 22 միլիոնը, մահացածներունը՝ 250 հազարը:
Միացիր մեզ Տելեգրամում
Միացիր մեզ Յութուբում
Կիսվել