Մահացած է Վաչէ Սրուրեանը. Ան Tele Liban կայանի աշխատակիցներէն էր... Որեւէ երաշխիք տալ, որ մեր սահմանները բաւարար չափով պաշտպանուած են, չենք կրնար. Ռոպերթ Քոչարեան... Երուսաղէմի մէջ լարուած իրավիճակը կը շարունակուի. Կան 105 վիրաւորներ... Կիլիկիոյ կաթողիկոսութիւնը դարձեալ դատ կը բանայ Թուրքիոյ դէմ...
Պոլսահայ երգչուհի՝ Նուարդը կը փայլի...
Պոլսահայ երգչուհի՝ Նուարդը կը փայլի...
08 Ապրիլ 2021 , 12:49

 

Պոլսոյ «ԺԱՄԱՆԱԿ» օրաթերթէն կը կարդանք ՝ 

 

«Մեր երաժշտական աշխարհէն ներս այս շրջանին կը փայլի համակրելի մեներգչուհի Նուարդ Աւետիքօղլուի աստղը, որ գեղարուեստասէրներու ուշադրութեան կ՚արժանանայ իր կատարողական կարողութիւններով եւ դիպուկ ձայնով։ Երբ քորոնաժահրի համաճարակի հետեւանքով մշակութային ու գեղարուեստական կեանքը գրեթէ կանգ առած է, մեներգչուհի Նուարդ Աւետիքօղլու եկած է ընկերային ցանցերու միջոցաւ այդ բացը հաւասարակշռելու։ Սա զուտ սահմանափակումներու բերումով նուազագոյնով բաւարարուելու երեւոյթ մը չէ, այլեւ՝ ընդհակառակն, ան բաւական յաւակնոտ քայլերով վերելք կ՚արձանագրէ երաժշտական ոլորտին մէջ։ Նուարդ Աւետիքօղլու ընկերային ցանցերու վրայ յայտնութիւն մը դարձած է՝ մասնաւորապէս «Արշալոյս էր» երգի կատարումով։ Ան այս գործը իսկապէս մեծ յաջողութեամբ կը մեկնաբանէ եւ այդ երգը խորհրդանշանի մը վերածուած է իր վերելքին տեսակէտէ։ «Արշալոյս էր»ը արդէն անբացատրելի հաղորդակցութիւն մը ապահոված է Նուարդ Աւետիքօղլուի եւ երաժշտասէրներու միջեւ։ Իր յաջողութիւնը սահմանափակուած չէ զուտ պոլսահայ շրջանակներով։ Արդարեւ, սփիւռքեան շրջանակներ եւս արդէն նկատած են Նուարդ Աւետիքօղլուի կարողութիւնները, երաժշտասէրներու սիրտը անվերապահօրէն գրաւելու ձիրքերը։ Հարկ է նշել, որ տաղաւարի այս շաբաթավերջին ան հերթական անգամ երաժշտասէրներուն պիտի ներկայանայ՝ ընկերային ցանցերու վրայ նախատեսուած «Նռան յոյսը 2» ծրագրին միջոցաւ։

Նուարդ Աւետիքօղլու հասած է պոլսահայ նահապետական ընտանիքի մը մթնոլորտին մէջ։ Շատ փոքր տարիքէ սկսեալ հաղորդ դարձած է եկեղեցական երաժշտութեան՝ կանոնաւորապէս յաճախելով մեր եկեղեցիները։ Միջոց մը զբաղած է մարմնամարզով՝ որպէս լողորդ։ Յամենայնդէպս, միշտ հակում ունեցած է երաժշտութեան վրայ կեդրոնանալով։ Ուսումը ստացած է Սկիւտարի երբեմնի Ներսէսեան-Երմոնեան, Գատըգիւղի Արամեան-Ունճեան վարժարաններուն եւ Սուրբ Խաչ դպրեվանքի մէջ։ Համալսարանական կրթութիւնը եղած է տնտեսագիտութեան վրայ, մինչ այդ աշխատած է՝ որպէս հաշուապահ։

Երիտասարդական տարիներէն սկսեալ հետզհետէ խորացած է երաժշտութեան մէջ։ Անդամակցած է Սայաթ Նովա երգչախումբին, միջոց մը մաս կազմած է «Քնար» նուագախումբին։ Յայտնի արուեստագէտ Գէորգ Դաւիթեանի հետ աշխատած է իր ձայնը մարզելու համար։ Անսպասելի շարք մը հանգամանքներու բերումով միջոց մը ստիպողաբար ընդհատած է երաժշտական գործունէութիւնը։ Յետոյ, վերականգնումի շրջանի աւարտին երաժշտական բնագաւառ վերադարձած է։ Մաս կազմած է Գատըգիւղի Ս. Թագաւոր երգչախումբին, որու վարիչին՝ յայտնի արուեստագէտ Սեւան Շէնճանի մականին ներքեւ առիթ ունեցած է թէ՛ ինքնակատարելագործուելու եւ թէ մանաւանդ՝ ձայնի մշակումները զարգացնելու։

Նուարդ Աւետիքօղլուի արձանագրած վերելքին մէջ առանձնակի նշանակութիւն ունեցած են յայտնի երաժիշտ Էրքան Օղուրի կողմէ տրուած ցուցմունքները։ Ան եղած է Աւետիքօղլու ընտանիքի բարեկամներէն, իբր այդ տեղեակ դարձած է մեներգչուհիի տպաւորիչ ձայնին։ Էրքան Օղուր շարժանկարի զանազան գործերու մէջ ներմուծած է Նուարդ Աւետիքօղլուի քնքոյշ ձայնը։ Ցայսօր մասնակցած զանազան ձեռնարկներու շարքին Նուարդ Աւետիքօղլուի տեսակէտէ առաւել սրտամօտիկ եղած է մօտաւոր անցեալին Կեդրոնական վարժարանի ի նպաստ կազմակերպուած համայնքային համերգը՝ հայեցի կրթութիւնը խրախուսելու բնոյթին տեսակէտէ։ Մեր երաժշտական աշխարհի նոյնպէս սիրելի դէմքերէն Պարթեւ Կարեանի կողմէ կեանքի կոչուած այդ ծրագիրը տակաւին թարմ է բոլորի յիշողութեան մէջ, իսկ Նուարդ Աւետիքօղլուի տեսակէտէ եղած է անկիւնադարձ մը՝ արուեստագէտի կոչումը տարբեր հարթութեան վրայ բարձրացնելու տեսակէտէ։

Վերջին շրջանին Նուարդ Աւետիքօղլուին համբաւ ապահոված «Արշալոյս էր» երգն ալ զգացական մեծ նշանակութիւն կը ներկայացնէ մեներգչուհիին տեսակէտէ։ Արդարեւ, ան փոքր տարիքին այդ երգը կը լսէր իր լուսահոգի ու սիրեցեալ հօրմէն։ Ձեւով մը հասակ առած էր անոր կատարումով եւ այդ երգի ունկնդրութիւնը կարեւոր դեր խաղացած էր իր ներաշխարհի, զգացական աշխարհի ձեւաւորման ուղղութեամբ։ Տասնամեակներ անց Նուարդ Աւետիքօղլու մանկութեան օրերուն լսած այդ մեղեդին վերարժեւորելով այսօր կը նուաճէ բարձունքներ։ «Արշալոյս էր, նոր էր բացուել» կամ «Հայաստան մայրիկին երգը» անուններով ծանօթ այդ խորապէս տպաւորիչ երգի կատարումով ընկերային ցանցերու վրայ Նուարդ Աւետիքօղլուի հետեւորդներու թիւը մօտեցած է երկու տասնեակ հազարի։ Թէ՛ թրքահայ շրջանակներէ եւ թէ ընդհանրապէս հայաշխարհէ գնահատանքի, խրախուսանքի եւ զօրակցութեան պատգամներ տեղացած են իրեն։ Այս ամբողջին մէջ Նուարդ Աւետիքօղլուի տեսակէտէ յատուկ արժէք ներկայացուցած են Հայաստանէն զանազան երաժիշտներու կողմէ փոխանցուած գնահատականները։ Իր ձայնի ալիքները արդէն վաղուց հասած են նաեւ Հայաստան, ուր երաժշտական բնագաւառէն կարգ մը գործիչներ մտադրութիւն յայտնած են նախագիծեր պատրաստելու ուղղութեամբ։

Ներկայիս Նուարդ Աւետիքօղլուի հիմնական նպատակն է թողարկել ձայնասկաւառակ մը։ Թէեւ ներկայ շրջանը դժուարութիւններով, բարդութիւններով կը բնորոշուի, սակայն, միւս կողմէ ծանօթ է նաեւ, որ միշտ ալ նման միջավայրերու եւ պայմաններու մէջ կը ստեղծուին մշտական արժէքներու ենթագետինները, ծնունդ կ՚առնեն գլուխգործոցները եւ գեղարուեստի ուժը ի զօրու է յաղթահարել ամէն ինչ։

Ջերմօրէն շնորհաւորելով Նուարդ Աւետիքօղլուն՝ նորանոր յաջողութիւններ կը մաղթենք իրեն»։

 

 

Լրահոս
Ամենաընթերցուած
Օրվա
Շաբաթվա
Ամսվա
One of the world's oldest civilizations, Armenia once included Mount Ararat, which biblical tradition identifies as the mountain that Noah's ark rested on after the flood. It was the first country in the world to officially embrace Christianity as its religion (c. A.D. 300).In the 6th century B.C. , Armenians settled in the kingdom of Urartu (the Assyrian name for Ararat), which was in decline. Under Tigrane the Great (fl. 95–55 B.C. ) the Armenian empire reached its height and became one of the most powerful in Asia, stretching from the Caspian to the Mediterranean seas. Throughout most of its long history, however, Armenia has been invaded by a succession of empires. Under constant threat of domination by foreign forces, Armenians became both cosmopolitan as well as fierce protectors of their culture and tradition. Over the centuries Armenia was conquered by Greeks, Romans, Persians, Byzantines, Mongols, Arabs, Ottoman Turks, and Russians. From the 16th century through World War I, major portions of Armenia were controlled by their most brutal invader, the Ottoman Turks, under whom the Armenians experienced discrimination, religious persecution, heavy taxation, and armed attacks. In response to Armenian nationalist stirrings, the Turks massacred thousands of Armenians in 1894 and 1896. The most horrific massacre took place in April 1915 during World War I, when the Turks ordered the deportation of the Armenian population to the deserts of Syria and Mesopotamia. According to the majority of historians, between 600,000 and 1.5 million Armenians were murdered or died of starvation. The Armenian massacre is considered the first genocide of the 20th century. Turkey denies that a genocide took place and claims that a much smaller number died in a civil war.read more: Armenia: Maps, History, yerevanvideo.com Geography, Government, Culture