image

Ատրպէյճան հայկական կողմին փոխանցած է 31 դիակ

Ատրպէյճան   հայկական կողմին փոխանցած է 31 դիակ

 

Վարանտայի (Ֆիզուլի) շրջանին մէջ ատրպէյճանական կողմը հայկական կողմին փոխանցած է եւս 31 զոհուած զինծառայողի աճիւն, առանց նշելու գտնուելու վայրի մասին որեւէ տեղեկութիւն: Այս մասին կը հաղորդէ Արցախի ԱԻ պետական ծռայութիւնը:

Նախնական տուեալներով վերջիններս պահեստազօրայիններ են: Անոնց ինքնութիւնը պարզելու նպատակով նշանակուած է դատաբժշկական փորձաքննութիւն:

Ընդհանուր առմամբ, մինչ օրս յայտնաբերուած է 1318 աճիւն, որմէ 15-ը նախնական տուեալներով՝ քաղաքացիական անձինք են, միւսները՝ ռազմագործողութիւններուն մասնակցած զինծառայողներ, պահեստազօրայիններ կամ կամաւորներ:

Արցախի փրկարարներն այսօր որոնողական աշխատանքներ կ'իրականացնեն Մարտունիի (Ներքին Ճարտարի ուղղութիւն), Վարանտայի (ֆիզուլի) եւ Հատրութի շրջաններուն մէջ: