Ընդդիմադիր գործիչը ոգեկոչած է Հրանդ Տինքի յիշատակը։
Իմամօղլուն յայտնած է, որ Թուզլայի հայկական որբանոցը, ուր անցած է Տինքի մանկութիւնը, պիտի վերածուի «Քէմփ Արմէն» ճամբարի երիտասարդական կեդրոնի։ Ան նշած է, որ այդ որոշումը միաձայն ընդունուած է Պոլսոյ աւագանիի նիստին։
Իմամօղլուի տեղեկացմամբ՝ այժմ սկսած են ճամբարի վերականգնման ճարտարապետական նախագիծի աշխատանքները։
Յիշեցնենք, որ «Քէմփ Արմէն» հայկական ճամբարը Պոլսոյ Թուզլա շրջանին մէջ գտնուող լքեալ ու կիսաքանդ շինութիւն մըն է: 8.552քմ տարածք զբաղեցնող «Քէմփ Արմէնը» 1961թ. գնուած է Հայ բողոքական եկեղեցւոյ հիմնադրամի կողմէ եւ ծառայած է որպէս ամառնային ճամբար` հայկական դպրոցի չքաւոր ու որբ սաներուն համար: Այնտեղ մեծցած են Հրանդ Տինքը եւ անոր կինը՝ Ռաքել Տինքը: Հետագային ճամբարը թրքական իշխանութիւններու կողմէ ապօրինաբար խլուած է հայ համայնքէն: