24.09c
Երեվան
ուրբ, ապր 19
Վրաստանի մէջ «Քորոնա» ժահրով վարակուածներու թիւերը կ'աճին: Այսօր գրանցուած է 218 նոր պարագայ:
Պաթումիի Հանրապետական հիւանդանոցին մէջ «Քորոնա» ժահրով հիւանդ մահացած է: Փաստը հաստատած են Աճարիայի առողջապահութեան նախարարութենէն:
Ծանր վիճակի մէջ գտնուող 67-ամեայ տղամարդ մը միացուած էր արհեստական շնչառութեան սարքին: Տղամարդը կը բուժուէր կաթուածէ, «Ռեֆերալ» հիւանդանոցին մէջ: Քանի մը օր առաջ անոր մօտ «Քորոնա» ժահր յայտնաբերուած է, որմէ ետք անոր տեղափոխած էին Պաթումիի հանրապետական հիւանդանոց:
Նոյն օրը Քութաիսի քաղաքին մէջ (Իմերէթի շրջան) նոր «Քորոնա» ժահրի հետեւանքով առաջացած բարդութիւններէն 80-ամեայ կին մահացած է:
Ըստ պաշտօնական տուեալներու` Վրաստանի մէջ «Քորոնա» ժահրով վարակուած է 3.695 մարդ, որմէ 1534-ը առողջացած է, 22-ը՝ մահացած: Վրաստանի մէջ «Քորոնա» ժահրի առաջին դէպքը գրանցուած էր 26 փետրուարին:
