Հարուստ երկիրներու խումբը, որ կը ներկայացնէ համաշխարհային բնակչութեան 13 տոկոսը, արդէն գնած է «Քորոնա» ժահրի դէմ ապագայ պատուաստանիւթերու կէսէն աւելին, կը հաղորդէ Oxfam-ը:
Կազմակերպութիւնը վերլուծած է դեղամիջոցներ եւ պատուաստանիւթեր արտադրողներու միջեւ կնքուած գործարքները՝ հիմնուած տուեալներու վրայ, որոնք հաւաքած է Airfinity վերլուծական ընկերութիւնը:
Oxfam America-ի ներկայացուցիչ Ռոպերթ Սիլվըրմանը յայտնած է, որ արդիւնաւէտ եւ անվտանգ պատուաստանիւթի մշակումն ու հաստատումը վճռորոշ նշանակութիւն ունի, սակայն պէտք է համոզուիլ, որ այն հասանելի է իւրաքանչիւրին:
Oxfam-ը հաշուարկած է, որ պատուաստանիւթ արտադրող 5 խոշոր թեկնածուներու (AstraZeneca, Gamaleya/Sputnik, Moderna, Pfizer եւ Sinovac) համատեղ արտադրական հզօրութիւնը կը կազմէ 5,9 միլիառ դեղաչափ, որ բաւարար է 3 միլիառ մարդու համար:
2,7 միլիոն դեղաչափ գնած են զարգացած երկիրները, տարածաշրջանները, այդ շարքին՝ ԱՄՆ, Մեծ Բրիտանիա, Աւստրալիա, Հոնկ Քոնկ, Մաքաօ, Ճափոն, Զուիցերիա, Իսրայէլ:
Մնացած 2,6 միլիառ դեղաչափը խոստացուած է զարգացող երկիրներուն, այդ շարքին՝ Հնդկաստան, Պանկլատեշ, Չինաստան, Պրազիլ, Ինտոնեզիա եւ Մեքսիկա: