Բեյրութում գիշերը մի խումբ ցուցարարներ փորձել են մտնել խորհրդարանի շենք: Նրանք պահանջում են կառավարության հրաժարականը՝ երկրում ստեղծված ծանր իրավիճակի համար: Ոստիկանները ստիպված են եղել արցունքաբեր գազ կիրառել ցուցարարների նկատմամբ, վերջիններս ոստիկանների ուղղությամբ քարեր եւ բենզինով լցված շշեր են նետել: Ցուցարարները կոտրել են նաեւ քաղաքի կենտրոնում խանութների ցուցափեղկերը՝ այդպիսով արտահայտելով իրենց բողոքը:
Ակտիվիստների եւ ոստիկանների շրջանում կան վիրավորներ:
Ցուցարարները կոչ են արել Լիբանանի ժողովրդին՝ վաղը փողոց դուրս գալ եւ պահանջել կառավարության հրաժարականը: Նրանց կարծիքով երկրում ստեղծված անթողության պատասխանատուն կառավարությունն է, որի պատճառով օգոստոստի 4-ին Լիբանանի մայրաքաղաքը դարձավ աղետի գոտի, զոհվեցին հարյուրավոր մարդիկ, երկիրը կրեց աննախադեպ վնասներ:
Ցուցարարները կառավարության վրա են բարդում նաեւ մինչեւ պայթյունը Լիբանանում ստեղծված տնտեսական ծանր կացությունը: