Ռուս ուղղափառ եկեղեցին յայտարարած է, որ Այա Սոֆիայի տաճարը մզկիթի վերածելու Թուրքիոյ որոշումը կրնայ աւելի մեծ տարաձայնութիւններու յանգեցնել:
Աւելի վաղ Թուրքիոյ նախագահ Ռեճէպ Էրտողանը ստորագրած է Այա Սոֆիայի տաճարը մզկիթի վերածելու մասին հրամանագիրը, երբ թրքական դատարանը չեղարկած է 1934 թուականի հրամանագիրը, որով այն թանգարանի վերածուած էր:
«Ցաւալի է, որ Ռուս ուղղափառ եկեղեցւոյ, այլ ուղղափառ եկեղեցիներու մտահոգութիւնը արձագանգ չստացաւ: Տուեալ որոշումը, ցաւօք, ուղղուած չէ հակասութիւններու հարթման, այլ, հակառակը, կրնայ աւելի մեծ տարաձայնութիւններու յանգեցնել, որուն մասին 6 յուլիսին յայտարարած է Համայն Ռուսիոյ պատրիարք Քիրիլը»,-ըսած է ԹԱՍՍ-ի զրուցակիցը: