Վրաստանի մէջ «Քորոնա» ժահրի հետեւանքով մաhացած 15–րդ քաղաքացին ազգութեամբ հայ է, որ կ'ապրէր Ախալքալաքի գիւղերէն մէկուն մէջ: Ան Հայաստանէն Վրաստան գացած էր ու 14-օրեայ ինքնամեկուսացման ցուցում ունէր։ Sputnik Արմենիայի հետ զրոյցի ժամանակ տեղեկութիւնը յայտնած է Ախալքալաքի հանրային առողջապահութեան կեդրոնի տնօրէն Աւետիք Տօնականեանը։
Կեդրոնի տնօրէնի խօսքով` 11 օր առաջ անոնք Վրաստան տեղափոխուած են։ Ինքնամեկուսացման մէջ գտնուող Վոլոտիան սկսած էր վատ զգալ, կտրուկ բարձրացած էր արեան ճնշումը։ Անոր մօտ յայտնաբերուած էր «Քորոնա» ժահր: 82-ամեայ Վոլոտիային Ռուսթաւիի հիւանդանոց տեղափոխած էին, ուր ալ մահացած է։ Անոր տղան դեռ 3 օր պէտք է ինքնամեկուսացած մնայ։