image

«Քորոնա»ի հետեւանքով մահացած է հայազգի բեմադրիչ Սամուէլ Գասպարով

«Քորոնա»ի հետեւանքով մահացած է հայազգի բեմադրիչ Սամուէլ Գասպարով

Ռուսաստանի մէջ 81 տարեկանին կեանքէն հեռացած է հայազգի բեմադրիչ Սամուէլ Գասպարովը: Այս մասին իր ֆեյսպուքեան էջին տեղեկացուցած է խմբագիր Կեորկի Սահակովը:

«Մոսկուայի մէջ մահացած է հիանալի բեմադրիչ, Միխայիլ Ռոմի աշակերտ, «Վեցերորդը», «Մոռցէ՛ք «մահ» բառը», «Հաց, ոսկի, նագան», «Առանց յատուկ ռիսքի» ֆիլմերու ստեղծող Սամուէլ Գասպարովը: Սամուէլ Վլատիմիրովիչին յատուկ չէր պարտուիլը, սակայն անիծեալ «Քորոնա» ժահրին ան յաղթել չկրցաւ: Վառ յիշատակ»,-գրած է Սահակովը:

Բեմադրիչի կինը` յայտնի դերասանուհի Նաթալիա Վաւիլովան, որ «Մոսկուան արցունքներուն չի հաւատար» ֆիլմին մէջ կերտած է Ալեքսանտրայի դերը, նոյնպէս վարակուած է «Քորոնա» ժահրով, անոր վիճակի մասին տեղեկութիւններ գրեթէ չկան:

Գասպարովը ծնած է 7 յունիս 1938-ին, Թիֆլիս, հայկական ընտանիքի մէջ: Մինչեւ բեմադրութեան ասպարէզ մտնելը, աշխատած է որպէս բեռնատարի վարորդ եւ գրած է պատմուածքներ:

1970 թուականին աւարտած է Կինեմաթոկրաֆիայի (շարժանկարչութեան) համառուսաստանեան պետական հիմնարկը, 1974 թուականէն սկսած է ֆիլմեր նկարահանել: 1993 թուականին Մոսկուայի «Լուժնիկի» մարզահամալիրին մէջ կազմակերպած է Մայքլ Ճեքսընի համերգը: 

 

Фото Самвел Гаспаров