Յիշելով հերոս Մոնթէն. Այսօր Մոնթէ Մելքոնեանի ծննդեան 63-րդ տարեդարձն է... Մոնթէի ծննդեան օրը յանձնուեցաւ անոր ազատագրած Քարվաճառը... Անգարա սկսած է հաւաքագրել Ղարաբաղ մեկնիլ ուզող սուրիացիներուն անունները. Human Rights Organization - Afrin - Syria... Հայրենի յուշեր (3)...
Գահիրէի «Եագուպեան» շէնքի բնակիչները իրականացուցած են եգիպտական յեղափոխութիւնը. Ամերիկեան ամսագիր
Գահիրէի «Եագուպեան» շէնքի բնակիչները իրականացուցած են եգիպտական յեղափոխութիւնը. Ամերիկեան ամսագիր
26 Մայիս 2020 , 15:10

Այսօր եգիպտացի ժամանակակից ու  ինքնատիպ գրողներէն մէկուն՝ Ալաա ալ-Ասուանիի ծննդեան օրն է: Ան շարք մը գիրքերու  հեղինակն է, որոնցմէ  հայ ընթերցողին ծանօթ է հայերէն թարգմանուած «Եագուպեան Շէնքը» վէպը, որ ժամանակին մեծ աղմուկ հանած է Եգիպտոսի եւ առհասարակ, արաբական աշխարհին մէջ: Գրաքննադատները կ'ըսեն, որ արաբ գրողին գիրքը երկու մասի բաժնած էր Եգիպտոսը. երիտասարդներն ու ազատ մտածողութեամբ եգիպտացիները ոգեւորութեամբ ընդունած էին Ալաա ալ-Ասուանիի այս գիրքը, որ թարմ շունչ տարածած էր երկրին մէջ, կար նաեւ մեծ զանգուած մը, որ անթոյլատրելի կը համարէր գիրքին մէջ նկարագրուած բաց տեսարաններն ու եգիպտական հասարակութեան համար անընդունելի երեւոյթներն եւ ազատութեան անսպասելի ձգտումը: Ոմանք նկատած են, որ Ալաա ալ-Ասուանիի գրականութիւնը ներշնչուած է սպանական գրականութենէն: Գրողը սպանական գրականութիւնը ուսումնասիրած է Մատրիտի մէջ:

Իսկ իրադարձութիւնները, որոնք կը նկարագրուին «Եագուպեան Շէնքը» գիրքին մէջ,  տեղի կ'ունենան 1930-ականներուն, Եգիպտոսի միլիոնատէրներէն մէկը եղած հայ՝ Յակոբ Եագուպեանի կառուցած շէնքին մէջ, որ այսօր ալ կանգուն է, եւ որուն վրայ բացի լատինատառէն նաեւ արաբերէնով գրուած է անոր ազգանունը՝ («Պինաեաթ Եաղքուպեան» -խմբ.Եագուպեան շէնք):   Այդ շէնքին մէջ, բազմաթիւ գրասենեակներու եւ արհեստանոցներու շարքին,  ատամնաբուժարան ունի նաեւ  Ալաա ալ-Ասուանին, որ իր հիմնական մասնագիտութեամբ ատամնաբոյժ է, այսօր ալ կ'աշխատի որպէս ատամնաբոյժ եւ ազատ ժամերուն կը ստեղծագործէ:  Պեսթսելլըր (ամէնէն շատ վաճառուող) եղած է ոչ միայն  «Եաքուպեան շէնքը»,  նաեւ՝  գրողի  «Շիքակօ» վէպը, ուր կը նկարագրէ Շիքակօ ապրած իր տարիները:

«Եագուպեան շէնքը» թարգմանուած է 30-էն աւելի լեզուներու։ 2006-ին, վէպին հիման վրայ նկարահանուած է նոյնանուն գեղարուեստական ֆիլմ՝ եգիպտական շարժապատկերի համար աննախադէպ պիւտճէով՝ 20 միլիոն եգիպտական ֆունտ (3 ու կէս միլիոն ԱՄՆ տոլար)։ 2007-ին Եգիպտոսի մէջ նկարահանուած է նոյնանուն տեսաշար, որ ցուցադրուած է արաբական 20-էն աւելի երկիրներու պատկերասփիւռի կայաններով:

Ալաա ալ-Ասուանին նաեւ քաղաքական աքթիւիսթ է: Տեսակէտներ կան, որ եգիպտական յեղափոխութեան համար փողոց դուրս ելած մարդոց մեծ մասը ոգեշնչուած է  Ալաա ալ-Ասուանիի գիրքերէն: Գրողը ինքն ալ խոստվանած է, որ  2011-ի  յեղափոխութեան օրերուն, փողոցը մարդիկ կը մօտենային իրեն եւ կ'ըսէին, որ կարդացած են իր գիրքը եւ ոգեշնչուած:

Ամերիկեան Foreign Policy  ամսագիրը  գրած է, որ եգիպտական յեղափոխութիւնը Գահիրէի Թահրիր հրապարակին վրայ իրականացուցած են «Եագուպեան» շէնք բնակող եւ աշխատող տարբեր խաւերու պատկանող եգիպտացիները, որոնք այդ շէնքին մէջ տեսած են ամէն ինչ եւ փողոց  դուրս ելած: Ամսագիրը շէնքին կեանքը կը համարէ Եգիպտոսի ճշգրիտ մանրապատկերը, ուր սիրոյ, նուիրումի, աշխատասիրութեան ու ազնուութեան կողքին կը բարգաւաճին ահաբեկչութիւնը, կաշառակերութիւնը եւ դաւաճանութիւնը:

Ալաա ալ-Ասուանիի անունը ընդրգրկուած է  աշխարհի 500 ամենաազդեցիկ իսլամներու եւ 2011-ի աշխարհի 100 մեծ մտածողներու շարքին:

Այսօր Ալաա ալ-Ասուանին դարձաւ 63 տարեկան: Ան կը շարունակէ  ստեղծագործել:

 


«Եագուպեան» շէնքը

 


«Անտարես» հրատարակչութիւնը 2002-ին «Օտարագիր գրողներ» մատենաշարով թարգմանած եւ  հրատարակած է Ալաա ալ-Ասուանիի նշանաւոր գիրքը

 


 


Լրահոս
Ամենաընթերցուած
Օրվա
Շաբաթվա
Ամսվա
One of the world's oldest civilizations, Armenia once included Mount Ararat, which biblical tradition identifies as the mountain that Noah's ark rested on after the flood. It was the first country in the world to officially embrace Christianity as its religion (c. A.D. 300).In the 6th century B.C. , Armenians settled in the kingdom of Urartu (the Assyrian name for Ararat), which was in decline. Under Tigrane the Great (fl. 95–55 B.C. ) the Armenian empire reached its height and became one of the most powerful in Asia, stretching from the Caspian to the Mediterranean seas. Throughout most of its long history, however, Armenia has been invaded by a succession of empires. Under constant threat of domination by foreign forces, Armenians became both cosmopolitan as well as fierce protectors of their culture and tradition. Over the centuries Armenia was conquered by Greeks, Romans, Persians, Byzantines, Mongols, Arabs, Ottoman Turks, and Russians. From the 16th century through World War I, major portions of Armenia were controlled by their most brutal invader, the Ottoman Turks, under whom the Armenians experienced discrimination, religious persecution, heavy taxation, and armed attacks. In response to Armenian nationalist stirrings, the Turks massacred thousands of Armenians in 1894 and 1896. The most horrific massacre took place in April 1915 during World War I, when the Turks ordered the deportation of the Armenian population to the deserts of Syria and Mesopotamia. According to the majority of historians, between 600,000 and 1.5 million Armenians were murdered or died of starvation. The Armenian massacre is considered the first genocide of the 20th century. Turkey denies that a genocide took place and claims that a much smaller number died in a civil war.read more: Armenia: Maps, History, yerevanvideo.com Geography, Government, Culture