Այսօր «SkyUp» ուքրանական օդանաւային ընկերութեան թռիչքով Ուքրանիայէն Հայաստան պիտի ժամանէ 62 ուղեւոր։ Այս մասին «Ֆեյսպուք»-ի իր էջին տեղեկացուցած է Ուքրանիոյ մէջ ՀՀ արտակարգ եւ լիազօր դեսպան Տիգրան Սեյրանեանը։
«Այս պահուն Ուքրանիայէն Հայաստան մեկնած է 62 ուղեւոր (թիւերը նախնական են)։ Անոնց ճնշող մեծամասնութիւնը ՀՀ քաղաքացիներ են: Կը նախատեսուի, որ մօտ 95 հոգի Երեւանէն նոյն օդանաւով մեկնի Քիեւ»,- գրած է Սեյրանեանը: