Հալէպահայ Խաչիկ Մուրատեան (յայտնի Ապու Կարօ անունով) իր թեկնածուութիւնը դրած է յառաջիկայ ապրիլին նախատեսուած ընտրութիւններուն: «Արեւելք» այս մասին տեղեկութիւն ստացաւ Հալէպի իր աղբիւրէն: Մեր աղբիւրը նաեւ հաղորդեց, որ Մուրատեան (ծն.1962, Հալէպ) ճանաչում ունեցող գործարար է Հալէպի մէջ, եւ ան ընտրութիւններուն պիտի ներկայանայ Բ.ն աղիւսակէն, որպէս անկախ թեկնածու: Մեր աղբիւրին համաձայն, անկախ թեկնածու Մուրատեանէն եւ Ազգային Առաջնորդարանի բանբեր Ժիրայր Ռէիսեանէն զատ կան նաեւ այլ թեկնածուներ: