27.09c
Երեվան
ուրբ, ապր 19
Եթովպիայի հիւսիսային Կոնտեր քաղաքին մէջ Աստուածայայտնութեան տօնակատարութեան ժամանակ փլուզած է հարթակը, ուր գտնուած են հաւատացեալները, ինչի հետեւանքով մահացած է առնուազն 10, վիրաւորուած է 100 մարդ: Այս մասին կը յայտնէ ТАСС գործակալութիւնը՝ վկայակոչելով տեղի բժիշկներուն:
Նշուած է, որ երկրի հնագոյն մայրաքաղաք Կոնտերի մէջ Աստուածայայտնութեան տօնակատարութիւնն ամենաճանչցուածն է Եթովպիոյ մէջ, որուն ամէն տարի շուրջ մէկ միլիոն մարդ կը մասնակցի:
Աստուածայայտնութիւնը կամ «Թիմքատը», որ ամհարերէնէն թարգմանաբար կը նշանակէ «Մկրտութիւն», լայնօրէն կը նշուի Եթովպիոյ ուղղափառ քրիստոնեայ համայնքի կողմէ:
2019-ին ԵՈւՆԵՍՔՕ-ն Աստուածայայտնութեան եթովպիական տօնակատարութիւնը ներառած է մարդկութեան ոչ նիւթական մշակութային ժառանգութեան ցանկին մէջ:
