image

Մահացած է Մաքրուհի Գուրանը. Արամ Գուրանի սիրելի մայրիկը

Մահացած է    Մաքրուհի  Գուրանը. Արամ Գուրանի   սիրելի   մայրիկը

Պոլսոյ մէջ իր մահկանացուն կնքած է Մաքրուհի  Գուրանը։

Երկար  տարիներ   իր  շրջապատին եւ հարազատներուն կողմէ սիրուած եւ յարգուած  հայուհին ծառայած է որպէս  բուժքոյր։

Ան  մեծ  նուիրուածութեամբ, որպէս  Գուրաններու  ընտանիքի  մայր, հետամուտ եղած է  ընտանիքի  հայեցի  դաստիրակութեամբ ու ազգային   ոգիի   պահպանումով։

Հանգուցեալի   վերջին հրաժեշտի՝    յուղարկաւորութեան եւ թաղման արարողութիւնը  տեղի  ունեցած են երէկ՝  Պոլսոյ  Ֆէրիգիւղ   թաղամասի    Սրբոց Վարդանանց  եկեղեցւոյ մէջ, որմէ  ետք ալ      անոր մարմինը ամփոփուած է    Էտիրնէգաբույի  ազգային գերեզմանատան մէջ։

Թաղման  հանդիսաւոր արրաողութեան ներկայ եղած  են    Պոլսոյ  Պատրիարք Սահակ  Բ.-ն,  Պոլսոյ Միաբանութեան երիցագոյն անդամ՝  Տ.  Արամ  արք.  Աթէշեանը, ինչպէս նաեւ եկեղեցական եւ համայնքային  մեծ  թիւով գործիչներ։

Յիշեցնենք, որ    Մաքրուհի Գուրան   մայրն է   Պոլսոյ  մէջ   երկար   ատենէ ի վեր  հրապարակուող «Լոյս»  ամսագրի   եւ  վերջերս հիմնուած «Լոյս»  առաջին հայկական հեռուստաընկերութեան     հիմնադիր եւ սեփականատէր ՝ Արամ  Գուրանի։

Այս տխուր առթիւ   «Արեւելք»  իր  խորին վշտակցութիւնները կը  յայտնեն Գուրան  ընտանիքի  համայն   անդամներուն եւ յատկապէս  մեր թերթի  բարեկա՝   Արամ  եւ Յարութիւն Գուրաններուն։