Հղում կատարելով իրանական ԶԼՄ-ներին՝ Ռոյթերզ գործակալությունը հաղորդում է, որ այսօր Իրանում կործանված ուկրաինական ուղեւորատար օդանավի բոլոր ուղեւորները զոհվել են: Օդանավում եղել են 176 ուղեւորներ, որոնք Թեհրանից ուղեւորվում էին Կիեւ:
Իրանի արտակարգ իրավիճակների նախարարությունը հայտնել է, որ ավիավթարից ողջ մնացած մարդկանց գտնելու հույս չկա, քանի որ ինքնաթիռի բոլոր բեկորներն այրվում են։ Փրկարարները հրդեհաշրջման աշխատանքներ են իրականացնում։