Երեւանի քաղաքապետարանի մամլոյ խօսնակ Յակոբ Կարապետեանը ֆէյսպուքեան իր էջին տեղեկացուցած է, որ քաղաքի թափառող կենդանիներու շուրջ 70 %-ը ստերջացուած, պատուաստուած ու համարակալուած է:
«Մէկ տարի առաջ քաղաքապետ Մարութեանը հռչակեց թափառող կենդանիներու հետ համակեցութեան հիմնական բանաձեւը՝ թափառող կենդանիները պէտք չէ ոչնչացուին, միեւնոյն ժամանակ, անոնք պէտք չէ վտանգաւոր ըլլան մարդոց համար։
Այսօր, արդէն, ՀՈԱԿ-ի հաշուով 2700 ստերջացուած, պատուաստուած ու համարակալուած կենդանի կայ, ըստ որոշ հաշուարկներու՝ քաղաքի թափառող կենդանիներու շուրջ 70 %-ը»,- գրած է ան։