Աշխարհահռչակ հեռուստաաստղ Քիմ Քարտաշեանը ինսթակրամի իր էջի մօտ 150 միլիոն հետեւորդներու ցուցադրած է Հայաստան կատարած վերջին այցի յիշարժան դրուագները, ստացած հայկական նուէրները:
Քարտաշեանը ինսթակրամի «Սթորի» բաժնին մէջ տեղադրած է քրոջ՝ Քորթի Քարտաշեանի՝ Հայոց ցեղասպանութեան զոհերու յիշատակի յուշահամալիր՝ Ծիծեռնակաբերդ այցէն ետք հրապարակած լուսանկարը: Լուսանկարը մակագրուած է «Ի յիշատակ 1.5 միլիոն հայերու, որոնք կոտորուած են»:
Քարտաշեանը հրապարակած է նաեւ Երեւանի մէջ «PicsArt»-ի գրասենեակի աշխատակիցներու հետ առած լուսանկարը: Հեռուստաաստղը ուշադրութիւն հրաւիրած է այն փաստի վրայ, որ աշխատողներու 51 տոկոսը կանայք են՝ նշելով, որ կը հպարտանայ այդ հիանալի խումբով:
Քարտաշեանը իր հետեւորդներուն ներկայացուցած է նաեւ Հայաստանի մէջ ստացած նուէրները: Անոնցմէ մէկը իր ծաղրանկարն է: Հայ երկրպագուները հեռուստաաստղին նուիրած են նաեւ հայկական տառերով պայուսակներ, տնային պայմաններու մէջ պատրաստուած օճառներ, զարդեր, որոնք տեսանելի են հրապարակուած տեսանիւթին մէջ:
Քարտաշեանը քրոջ՝ Քորթնի Քարտաշեանի եւ երեխաներուն հետ Հայաստան ժամանած էր՝ մասնակցելու Երեւանի մէջ իրականացող WCIT 2019 համաժողովին:
Միացիր մեզ Տելեգրամում
Միացիր մեզ Յութուբում
Կիսվել