Իրանի նախագահ Հասան Ռոհանին Հայաստանի Անկախութեան օրուայ առիթով առանձին շնորհաւորական ուղերձներ յղած է Հայաստանի նախագահ Արմէն Սարգսեանին եւ վարչապետ Նիկոլ Փաշինեանին:
Ռոհանին կոչ ըրած է ընդլայնելու Թեհրանի եւ Երեւանի միջեւ փոխադարձ համագործակցութիւնը՝ յոյս յայտնելով, որ Թեհրանի եւ Երեւանի միջեւ վաղեմի յարաբերութիւնները հետագային եւս պիտի խորանան բոլոր ոլորտներուն մէջ, կը յայտնէ Fars գործակալութիւնը:
Իրանի նախագահը յաջողութիւն մաղթած է Հայաստանի նախագահին եւ բարգաւաճում ժողովուրդին ու երկրի կառավարութեան: