14.09c
Երեվան
շբթ, ապր 20
Սէուտական Արաբիան կը ձգտէ ամրապնդել Կիպրոսի հետ յարաբերութիւնները՝ հաշուի առնելով ԵՄ անդամ երկրի աշխարհագրական դիրքը եւ արաբական աշխարհի հետ այդ երկրի վաղեմի կապերը: Այդ մասին յայտարարած է Սէուտական Արաբիոյ արտաքին գործերու նախարար Իպրահիմ ալ Ասաֆը Կիպրոսի մէջ։
Սէուտցի նախարարին խօսքով կայ մեծ հետաքրքրուածութիւն Կիպրոսի հետ յարաբերութիւնները զարգացնելու առումով: Ան նշած է, որ Սէուտական Արաբիան կը սատարէ Կիպրոսի ինքնիշխանութիւնը եւ Կիպրական խնդրի շուրջ ՄԱԿ-ի որոշմանը, եւ յոյս յայտնած է, որ կողմերը խնդիրը պիտի լուծեն խաղաղ ճանապարհով:
«Հաշուի առնելով Կիպրսի բացառիկ տնտեսական գօտիին վրայ վերջերս տեղի ունեցած իրադարձութիւնները եւ, մասնաւորապէս, Թուրքիոյ անօրինական գործունէութիւնը եւ թշնամական վարքը՝ անհրաժեշտ է համերաշխութիւնը եւ աջակցութիւնները այնպիսի երկրներու կողմէն, ինչպիսին է Սէուտական Արաբիան»,- հանդիպման ընթացքին ըսած է Կիպրոսի ԱԳ նախարար Նիկոսոմ Խրիստոդուլիդեսը։
Թուրքիան, որը գրաւած է Կիպրոսի հիւսիսային մասը, կը համարէ, որ իրաւունքներ ունի Կիպրոսի բացառիկ տնտեսական գօտիին վրայ յայտնաբերուած նաւթի եւ կազի պաշարներու հարցին մէջ:
Նշենք, որ Թուրքիոյ եւ Սէուտական արաբիոյ միջեւ յարաբերութիւնները լարուած պատկեր մը ունին յատկապէս, երբ անցնող հոկտեմբերին Պոլսոյ Սէուտական Արաբիոյ հիւպատոսութեան մէջ սպանուած էր սէուտցի այլախոհ լրագրող եւ արքայազնի քննադատ Ժամալ Խաշըքճին։
