23.09c
Երեվան
հնգ, ապր 18
Ըստ Արցախից հասած տեղեկությունների, Արցախի՝ երեկ կայացած տեղական ինքնակառավարման մարմինների ընտրությունների արդյունքում Քաշաթաղի շրջանի Աղավնո համայնքում համայնքապետ (գյուղապետ) է ընտրվել լիբանանահայ հայրենադարձ Անդրանիկ Չավուշյանը (ծնունդով Սիրիայի Ղամիշմլիից):
Աղավնոն գտնվում է Աղավնո գետի ափին՝ Արցախի հարավ-արեւմտյան հատվածում, նոր հիմնված համայնք է, ունի մոտ 200 բնակիչ:
Հայտնի է, որ Քաշաթաղի շրջանի վերակառուցման եւ զարգացման գործում մեծ է լիբանանահայերի ներդրումը: Աղավնո գյուղում լիբանանահայերը հիմնել են «Արիավան» նորակառույց թաղամասը եւ տարբեր ծրագրերով աջակցում են շրջանի զարգացմանն ու վերաբնակեցմանը:
Արցախի Կենտրոնական ընտրական հանձնաժողովի տվյալներով՝ երեկ ամբողջ հանրապետությունում կայացած ընտրությանը մասնակցել է 57 հազար 443 ընտրող:
