Ըստ լրատվամիջոցների, Գագիկ Ծառուկյանի դստեր՝ Անահիտ Ծառուկյանի հարսանեկան զգեստի հեղինակը լիբանանցի աշխարհահռչակ դիզայներ Էլի Սաաբն է:
Հայտնի է, որ լիբանանցի դիզայներն իր հեղինակած հագուստների մեջ օգտագործում է թանկ կտորներ, ժանյակներ, ասեղնագործություններ, մարգարիտներ, բյուրեղներ, մետաքսաթելեր եւ հեղինակային նախշեր: նա հարսանեկան եւ տոնական շատ հագուստներ է կարել արքայադստրերի, աստղերի, նշանավոր մարդկանց համար:
Անահիտ Ծառուկյանի զգեստը նույնպես աչքի է ընկել քարերի եւ ժանյակների առատությամբ: Նրա պսակադրությունը կատարվել է երեկ՝ Աբովյանի Սուրբ Հովհաննես Մկրտիչ եկեղեցում, իսկ խնջույքը՝ «Փարավոն» ռեստորանում: Անահիտ Ծառուկյանն ամուսնացել է մեկ այլ հայտնի գործարարի՝ Խաչատուր Սուքիասյանի որդու հետ: Շատերն այս հարսանիքն անվանել են «Տարվա հարսանիք»: