Հայ քաղբանտարկեալ Համբիկ Սասունեան ազատ պիտի արձակուի... Արմէն Սարգսեանէն հանգուցալուծման միտուած նոր նախաձեռնութի՞ւն... Չաւուշօղլուի կարծիքով Հայաստանի մէջ եղածը յեղաշրջման փորձ էր... Արեւմուտքի եւ Արեւելքի միջեւ Էրտողանի լարախաղը կրնայ շուտով տապալիլ...
Տինքի երազը՝ մառախուղով շրջապատուած է...
Տինքի երազը՝ մառախուղով շրջապատուած է...
19 Յունուար 2021 , 10:40

Ամէն տարի, երբ 19 յունուարը  ըլլար, ուրախութեամբ ու հիացմունքով կը յիշատակէի Հրանդ Տինքի ձգած հսկայ ժառանգութիւնը:

Ժառանգութիւն մը, որուն  նպատակն էր միացնել Թուրքիոյ մէջ ապրող ժողովուրդները առանց կրօնական, դաւանական կամ ազգային խտրութեան՝ յանուն Հայոց Ցեղասպանութեան պատմական արդարութեան վերականգման: Ժառանգութիւն մը, որուն նպատակն էր թրքական հասարակութեան մէջ մէկդի դնել ցեղապաշտութիւնը, ազգայնամոլութիւնն ու ծայրայեղութիւնը ու անոնց փոխարէն հաստատել` աստիճանական արդար հաշտութիւն մը:

Ժառանգութիւն մըն էր, զոր ամէն անհատ, հայ թէ թուրք, Հայաստան թէ Թուրքիա բնակող, Եւրոպա թէ Ամերիկա գաղթած, կրնար շօշափել, կարդալով թրքական մամուլը՝ Քեմալական ուղղութենէն մինչեւ ձախակողմեանը, կամ հեռուստաընկերութեանց կայաններէն տեսնելով հարիւր հազար ցուցարարներ Պոլսոյ հրապարակը հաւաքուած,  որոնք մէկ ձայնով կ'աղաղակէին «Բոլորս հայ ենք, բոլորս Հրանդ ենք»:

Սակա՛յն, 2020 սեպտեմբեր եւ նոյեմբեր ամիսներուն պատահած պատերազմի ընթացքին, թրքական կառավարութեան, ազգայնամոլ մամուլի եւ նոյնիսկ ընդդիմադիր շերտերուն ցուցաբերած  ոչ թէ միայն համակրանքը ատրպէյճանական յարձակման, այլ նաեւ Թուրքիոյ մէջ ապրող Հայ բնակչութեան դէմ ցեղապաշտ ու ատելութեան խօսքերը՝ մահաթմբիրի (coma) մէջ ձգեցին Տինքի երազն ու տեսլականը:

Այս տարի, Թուրքիոյ մէջ ինչպէ՞ս պիտի յիշուի Տինքի նահատակութեան յիշատակը, ի՞նչ համարձակութեամբ պիտի աղաղակուի «Բոլորս Հայ ենք, բոլորս Հրանդ ենք»ը, ի՞նչ խղճով թրքական մամուլը պիտի անդրադառնայ «հաւասարութիւն» եզրին, ի՞նչ երեսով թուրք քաղաքական գործիչ մը իր ընկերային ցանցի անձնական էջին վրայ պիտի տեղադրէ Տինքի յիշատակին առթիւ խօսք մը, նկար մը...:

Ո՞ւր էին «Բոլորս Հայ ենք, բոլորս Հրանդ ենք» պոռացողները երբ Թուրքիան ուղղակիօրէն ոչ միայն քաջալերեց այլ նաեւ դիւանագիտական եւ ռազմականօրէն թիկունք կանգնեցաւ Ատրպէյճանին: Ո՞ւր էր Թրքական մամուլը երբ Ատրպէյճան պատերազմի ժամանակ անմարդկայնօրէն՝ անխիղճ ռազմական յանցագործութիւններ կը գործադրէր Արցախի Հայ բնակչութեան նկատմամբ: Ո՞ւր էին թուրք քաղաքական գործիչները, երբ իրենց գործընկերները, ազգայնամոլ ազգային շարժում կուսակցութեան ղեկավարները պատերազմի օրերուն, կը տեղադրէին փանթուրքական քարտէսներու նկարներ ընկերային ցանցերու վրայ:

Թրքական մամուլը, կուսակցութիւններն ու մտաւորականութիւնը, որոնք լուռ մնացին Ատրպէյճանի յանցագործութիւններուն նկատմամբ (քաջալերուած թրքական կառավարութեան կողմէ), անոնց կեցուածքը կը համապատասխանէր Հարաւային Ափրիկէի սեւամորթներու իրաւունքները պաշտպանող՝ Տէսմընտ Թութուի խօսքին.- «Եթէ ​​անարդարութեան ժամանակ չէզոք կեցուածք ցուցաբերես, ապա ընտրած կ'ըլլաս ճնշողի կողմը»:

Բոլոր անոնք, որոնք յանցագործութիւններու դէմ լուռ մնացին, իսկ ամէն տարի 19 յունուարին  կը յիշեն Տինքը, անոր յիշատակը մառախուղով շրջապատուած ձգեցին:

Պատմական արդարութեան, հակացեղապաշտութեան եւ աստիճանական արդար հաշտութեան փոխարէն՝ հասակ առին փանթուրքական, ազգայնամոլ ու ծայրայեղ ծիլերը:

Փոխանակ Պոլիս աճէր համախմբութեամբ ու լայնամտութեամբ, աճեցաւ՝ հասարակական բեւեռացմամբ ու անլայնամտութեամբ:

Պոլսոյ հրապարակները, փոխանակ զարդարուէին «Բոլորս Հայ ենք, բոլորս Հրանդ ենք» պաստառներով, զարդարուեցան՝ Ատրպէյճանի դրօշակներով:

Արդեօք, արեւի ճառագայթները կրնա՞ն յաղթահարել մառախուղը Պոլսոյ երկնքին վրայ:

Միայն ու միայն այն ժամանակ, երբ հակացեղապաշտութիւնը դառնայ mainstream լրատուամիջոցներու առաջնահերթութիւնը. երբ թրքական մամուլը հակադարձէ ազգայնական շարժում կուսակցութեան ցեղապաշտ ու ատելութիւն սերմանող յայտարարութիւններուն, ինչպէս որ Միացեալ Նահանգներու մամուլը արձագանգեց Քաբիթոլի գրոհման. երբ թուրք պատմագէտներն ու Թուրքիոյ Ազգային մեծ ժողովի պատգամաւորները դիտեն Հայոց Ցեղասպանութիւնը ինչպէս որ Գերմանիոյ խորհրդարանի պատգամաւորը ամչկոտութեամբ կը դիտարկէ Հրէական Հոլոքոստը. երբ թրքական օրինագիրքին մէջ նոյնքան յանցագործութիւն դառնայ հակահայութիւնը որքան արեւմտեան աշխարհին մէջ յանցագործութիւն է հակասեմականութիւնը:

Միայն ու միայն վերոյիշեալ փափաքներով է, որ Տինքի հակացեղապաշտ, պատմութեան արդարութեան վերականգման եւ աստիճանական արդար հաշտութեան երազը իրականացած կ'ըլլայ:

Միայն ու միայն յիշեալ կէտերը իրականացնելով է, որ արեւու ճառագայթները կը ծագին Պոլսոյ երկնքին վրայ ու կը յաղթեն 106 տարուայ ծածկող մառախուղին:

 

Նաթան Պետրոսեան

Լրահոս
Ամենաընթերցուած
Օրվա
Շաբաթվա
Ամսվա
One of the world's oldest civilizations, Armenia once included Mount Ararat, which biblical tradition identifies as the mountain that Noah's ark rested on after the flood. It was the first country in the world to officially embrace Christianity as its religion (c. A.D. 300).In the 6th century B.C. , Armenians settled in the kingdom of Urartu (the Assyrian name for Ararat), which was in decline. Under Tigrane the Great (fl. 95–55 B.C. ) the Armenian empire reached its height and became one of the most powerful in Asia, stretching from the Caspian to the Mediterranean seas. Throughout most of its long history, however, Armenia has been invaded by a succession of empires. Under constant threat of domination by foreign forces, Armenians became both cosmopolitan as well as fierce protectors of their culture and tradition. Over the centuries Armenia was conquered by Greeks, Romans, Persians, Byzantines, Mongols, Arabs, Ottoman Turks, and Russians. From the 16th century through World War I, major portions of Armenia were controlled by their most brutal invader, the Ottoman Turks, under whom the Armenians experienced discrimination, religious persecution, heavy taxation, and armed attacks. In response to Armenian nationalist stirrings, the Turks massacred thousands of Armenians in 1894 and 1896. The most horrific massacre took place in April 1915 during World War I, when the Turks ordered the deportation of the Armenian population to the deserts of Syria and Mesopotamia. According to the majority of historians, between 600,000 and 1.5 million Armenians were murdered or died of starvation. The Armenian massacre is considered the first genocide of the 20th century. Turkey denies that a genocide took place and claims that a much smaller number died in a civil war.read more: Armenia: Maps, History, yerevanvideo.com Geography, Government, Culture