«Հիմա Լիբանանի մէջ հայութիւնը շքեղ, բայց դատարկ շատ կառոյցներ ունի, ի՞նչ ընենք այդ բոլորը ...» Ռոզեթ Ալէմեան... Մահացած է արդի արհեստագիտութեան յայտնի գործիչներէն՝ Կարէն Վարդանեանը... «Այսօր Թուրքիոյ մէջ ուժեղագոյն մարդը ՝էրտողանը չէ, այլ Պահչէլին է».Ահմէտ Տաւութօղլու... Հայաստանի մէջ Ալիշանեան օրեր...
Զաւէն Խանճեան. Արաբկիրը Հալէպի մէջ
Զաւէն Խանճեան. Արաբկիրը Հալէպի մէջ
12 Յունուար 2020 , 23:11

 

Հայրենակցական միութիւնները ողնածուծն էին տարագիր եւ հայրենազուրկ հայութեան: Կորսնցուցած ըլլալով նիւթականն ու շօշափելին, փրկուածները բերին իրենց միտքը, յիշողութիւնն ու փորձառութիւնը, հայրենական բարքերն ու փառքերը, արհեստն ու արուեստը: Կարողացան ոտնակոխել կորուստին ցաւն ու տառապանքը եւ ստեղծեցին ու երկնեցին, երգեցին ու պարեցին յանուն պատմութեան, յանուն կորսուածին եւ յանուն յոյսին ու լուսաւոր ապագային: Ու տակաւ փիւնիկի նման վերածնան Սասունն ու Վասպուրականը, Խարբերդն ու Ուրֆան, Մարաշն ու Զէյթունը, Վանն ու Արաբկիրը իրենց կենցաղով, բարբառով, խոհանոցով, երգով ու պարով: Վերապրողները՝ համեստ միջոցներով եւ կարողութիւններով, համառօտ կերպով գրի առին բանաւոր պատմութիւնը, սեւագրեցին կորսուած հայրենիքի պատկերը եւ դրոշմեցին զանոնք նոր սերունդին էութեան մէջ:

Դաշտագնացութիւններով, պարտիզագնացութիւններով, ոչ փարթամ ճաշկերոյթներով, դասախօսութիւններով եւ ընտանեկան հաւաքոյթներով,  հայրենակցական միութիւնները դարձան հայապահպանման պատուանդանը, որու հաստատուն հիմերուն վրայ կեանք առին աւելի լուրջ եւ կազմակերպուած մշակութային, մարզական եւ այլ ազգային կառոյցներ:

Կար ժամանակ երբ հայրս կեդրոնն էր Արաբկիրի Հայրենակցական Միութեան կեանքին: Իսկ Կայարանը՝ անոր ընկերային ծառայութիւններու դաշտը:  1953ին, երբ հայրս վերադարձաւ իր հայրենադարձութեան առաջին ուխտագնացութենէն, մեր տունը մեղուափեթակի վերածուած էր: Ամիսներ շարունակ կարօտախտէ տառապող հայրենակիցներ կ՛այցելէին մեզ, խապրիկ մը առնելու համար ծննդավայրէն, պահ մը ապրելու անոր շօշափելի իրականութիւնը եւ կամ համտեսելու հօրս բեռցած Արաբկիրի չոր թութը, պաստեղը, չիրն ու ռոճիկը:  Այս պարագային, ուխտագնացութիւնը եւ անոր ընծայած տօնախմբումի առիթը  սահմանափակուած չէր Մեքքա այցելողներու իսլամական պարտաւորութեան եւ վերադարձի թաղային տօնական լուսաւորումով: Այդ օրերուն, Հալէպի մէջ, արաբկիրցի հայրենակիցներու հոգիները լուսաւորուած էին, հազիւ քառորդ դար առաջ կորսուած հայրենիքի հետ, հօրս միջոցաւ, իրենց ունեցած շօշափելի ժամադրութեան պատճառած անգերադասելի հրճուանքին շնորհիւ: 

 

(«Հալէպ Առաջին Կայարան. Մանկութիւն Ունեցող Տղու Մը Յուշերը» գիրքէն)




Լրահոս
Ամենաընթերցուած
Օրվա
Շաբաթվա
Ամսվա
One of the world's oldest civilizations, Armenia once included Mount Ararat, which biblical tradition identifies as the mountain that Noah's ark rested on after the flood. It was the first country in the world to officially embrace Christianity as its religion (c. A.D. 300).In the 6th century B.C. , Armenians settled in the kingdom of Urartu (the Assyrian name for Ararat), which was in decline. Under Tigrane the Great (fl. 95–55 B.C. ) the Armenian empire reached its height and became one of the most powerful in Asia, stretching from the Caspian to the Mediterranean seas. Throughout most of its long history, however, Armenia has been invaded by a succession of empires. Under constant threat of domination by foreign forces, Armenians became both cosmopolitan as well as fierce protectors of their culture and tradition. Over the centuries Armenia was conquered by Greeks, Romans, Persians, Byzantines, Mongols, Arabs, Ottoman Turks, and Russians. From the 16th century through World War I, major portions of Armenia were controlled by their most brutal invader, the Ottoman Turks, under whom the Armenians experienced discrimination, religious persecution, heavy taxation, and armed attacks. In response to Armenian nationalist stirrings, the Turks massacred thousands of Armenians in 1894 and 1896. The most horrific massacre took place in April 1915 during World War I, when the Turks ordered the deportation of the Armenian population to the deserts of Syria and Mesopotamia. According to the majority of historians, between 600,000 and 1.5 million Armenians were murdered or died of starvation. The Armenian massacre is considered the first genocide of the 20th century. Turkey denies that a genocide took place and claims that a much smaller number died in a civil war.read more: Armenia: Maps, History, yerevanvideo.com Geography, Government, Culture