ԱՄՆ-ի գործող եւ նախկին նախագահներ Տանըլտ Թրամբ եւ Պարաք Օպաման մեղադրանքներ հնչեցուցած են իրար հասցէին նախընտրական քարոզարշաւի շրջագիծէն ներս, քանի որ Սպիտակ տան նախկին ղեկավարը հանդէս կու գայ Ճօ Պայտընի՝ իր նախկին փոխնախագահի օգտին, գրած է Reuters-ը։
«Տանըլտ Թրամբ արժանի չէ այդ պաշտօնին, քանի որ չի կրնար ընել իր աշխատանքը։ Եւ այդ ձախողման հետեւանքները շատ լուրջ են. 170 հազար ամերիկացիներու մահ»,-նշած է Օպաման։
Twitter-ի վրայ Թրամբ պատասխանած է Օպամային՝ նշելով, որ միայն միւս դեմոկրատ մրցակիցները դուրս մնալէն ետք Պայտընին աջակցելու Օպամայի որոշումը կը վկայէ Պայտընի թեկնածութեան վերաբերեալ վերջինիս կասկածներուն մասին:
«Ես այստեղ եմ, որովհետեւ նախապէս այստեղ աշխատեր են նախագահ Օպաման եւ Ճօ Պայտընը։ Եթէ անոնք լաւ ընէին իրենց աշխատանքը, ես այստեղ չէի ըլլար»,- ըսած է Թրամբ։
Սպիտակ տան ղեկավարը նաեւ նշած է, որ Օպաման իրեն «որպէս ժառանգութիւն մղձաւանջ թողած է»։
Յիշեցնենք, որ ԱՄՆ նախագահական ընտրութիւնները տեղի պիտի ունենան այս տարուան 3 նոյեմբերին։