Սէուտցի լրագրող Ժամալ Խաշըքճիին Պոլսոյ մէջ Սէուտական Արաբիոյ հիւպատոսութիւն ժամանելէ ետք խոստացած են Ինթըրփոլի հրամանագրով ուղարկել Սէուտական Արաբիա, որմէ ետք անոր խեղդած եւ անդամահատած են, կը գրէ Sabah-ը, որ գտած է լրագրողը սպանողի այն ձայնագրութիւնը, որ տրամադրած են Թուրքիոյ յատուկ ծառայութիւնները:
«Անցէք, նստէք, մենք պէտք է ձեզ վերադարձնենք Ռիատ, այդպէս է Ինթըրփոլի հրամանը: Ինթըրփոլը խնդրած է Ձեզ ետ ուղարկել: Մենք եկած ենք, որ Ձեզ տանինք»,- ըսուած է ձայնագրութեան մէջ:
Այդ ամէնուն ի պատասխան` Խաշըքճին ըսած է.
«Ինծի հետ կապուած գործեր չկան, հարսնցուս դուրսը զիս կը սպասէ»:
Շփման ընթացքին մարդասպանները հարցուցած են լրագրողին` արդեօ՞ք ան իր մօտ հեռախօսներ ունի, թէ՞ ոչ: Անոնք ստիպած են Խաշըքճիին նամակ գրել իր որդիին, սակայն վերջինս հրաժարած է:
Անկէ ետք լրագրողը հարցուցած է այդ մարդոց, թէ ինչու համար իրենց մօտ անձեռոց կայ, եւ արդեօ՞ք իրեն դեղ պիտի տան, ինչին ի պատասխան, լսած է.
«Մենք Ձեզ պիտի քնացնենք»:
Անկէ ետք մարդասպանները խեղդած են լրագրողը եւ իրար հարցուցած՝ արդեօք ան դեռ կը շնչէ, թէ ոչ: