image
Հրատապ լուրեր:

Ամերիկա կը պատժէ՞ Լիբանանը. Jammal Trust Bank-ը սեւ ցուցակի վրայ

Ամերիկա   կը  պատժէ՞  Լիբանանը. Jammal Trust Bank-ը սեւ ցուցակի վրայ

 Ամերիկայի Միացեալ Նահանգներու    ելեւմուտքի նախարարութիւնը        իր «սեւ ցուցակ»ին վրայ դրած է Լիբանանեան  դրամատնային   համակարգին    մէջ        յարգուած  անուն ունեցող  Jammal  Trust  Bank-ը։ Այս  մասին տեղեկութիւնը հաղորդեց    LBCI կայանը  նշելով  նաեւ,  որ  այս կարգադրութիւնը անսպասելի չէր,  մանաւանդ, որ վերջին շրջանին ամերիկացի մէկէ  աւելի պատասխանատուներ յայտարարած  էին, թէ   կը պատրաստուին պատիժներ տնօրինել    լիբանանեան դրամատուներուն վրայ։

 

   Իր  կարգին «Էլ Նաշրա»  կայքը      վերլուծական նիւթ մը տարածելով   նկատել   տուաւ, որ     ԱՄՆ այս  տնօրինումը   կատարած է      Լիբանանեան դրամատունը մեղադրելով «Հըզպալլա»ին նեցուկ կանգնելու   եւ դրամատան կողմէ   վերոնշեալ կուսակցութեան  կառոյցներուն    տնտեսական   դիւրութիւններ տրամադրելուն մէջ։

  «Էլ  Նաշրա»n   նաեւ կը հաղորդէ, որ   Jammal  Trust Bank-ը կը համարուի   Լիբանանի       խորհրդարանի նախագահ Նէպիհ Պըրրիին  մօտ   համարուող     դրամատուն մը։

 Ի դէպ  լիբանանեան  տարբեր աղբիւրներ   կը խօսին այն  մասին, որ    այս կարգադրութիւէն  ետք ամերիկացիք  մտադիր են շարունակել իրենց  պատժական  տնօրինումները։