Իրանի արտաքին գործոց նախարար Մոհամմատ Ճաուատ Զարիֆը Նորվեկիա կատարած այցի ժամանակ յայտարարած է, որ այնքան ատեն որ ինքը ողջ է, «ոչ ոքի թոյլ կու տայ իրանցիներու Կասպից ծովէն նոյնիսկ մէկ կաթիլ խլել»: Այս մասին յայտնած է Fars News-ը:
«Մենք 40 տարի շարունակ եղած ենք պատժամիջոցներու տակ, բայց ժողովուրդը դիմացած է դժուարութիւններուն: Այդ մասին կը վկայէ նախագահական ընտրութիւններուն մարդոց 73 տոկոս մասնակցութիւնը»,- ըսած է Զարիֆը:
Անոր խօսքով՝ իրանցիները հաստատակամօրէն կը պաշտպանեն իրենց անկախութիւնն ու ամբողջականութիւնը, այդ պատճառով ոչ ոք կը համարձակի յաւակնել իրանեան ցամաքային եւ ծովային տարածքին, այդ շարքին՝ Կասպից ծովի անոր օրինական հատուածին: