image

Անգարա չէ հրաժարած S-400 -ի գործարքէն

Անգարա չէ հրաժարած S-400 -ի գործարքէն

Թուրքիոյ արտաքին գործոց նախարար Մեւլութ Չաւուշօղլուն յայտարարած է, որ Անգարան մտադիր չէ յետաձգել ռուսական C-400 զէնիթահրթիռային համակարգերու մատակարարումը, կը հաղորդէ ԹԱՍՍ-ը:

«Յետաձգման կամ չեղարկման մասին խօսք չկայ: Գնման մասին համաձայնագիրը արդէն աւարտած գործ է, ինչո՞ւ պէտք է քննարկենք մատակարարման յետաձգման հարցը»,- ըսած է Չաւուշօղլուն Haberturk հեռուստաալիքի եթերին:

3 Մայիսին Bloomberg գործակալութիւնը յայտնած էր, որ Թուրքիան կ'ուսումնասիրէ այդ համակարգերու գնումը յետաձգելու՝ ԱՄՆ-ի հերթական կոչը: Իր հերթին, ՌԴ նախագահի օգնական Եուրի Ուշաքովը յայտարարած էր, որ համաձայնագրի իրականացման յետաձգման մասին խօսք չկայ:

C-400-ներու մատակարարման շուրջ Ռուսաստանի եւ Թուրքիոյ միջեւ պայմանագրի կնքման փաստը հաստատուած էր 2017 թուականին:

Թրքական կողմը՝ ի տարբերութիւն առաջին արտասահմանեան պատուիրատուի՝ Չինաստանի, պէտք է ստանայ ոչ թէ 2, այլ մէկ նման համակարգ: ԱՄՆ-ն աշխոյժ փորձեր կը ձեռնարկէ՝ խափանելու գործարքը:

C-400 «Թրիումֆ»-ը ռուսական մեծ եւ միջին հեռահարութեան զէնիթահրթիռային համակարգ է: