17.09c
Երեվան
ուրբ, ապր 19
Լիբանանի վարչապետ Սաատ Հարիրի կը պատրաստուի վաղը մեկնիլ Պրիւքսէլ, ուր ներկայ պիտի ըլլայ Սուրիոյ գաղթականներուն նուիրուած միջազգային համաժողովին: Այս մասին տեղեկութիւնը յայտնեց VDL կայանը:
Աղբիւրը նաեւ նշեց, որ 8 Մարտ քաղաքական ուժերու կարգ մը աղբիւրերու կարծիքով Հարիրիի Լիբանանի գաղթականներու հարցերով նախարար Սալէհ Ղարիպը իր հետ չտանելու քայլը կը համարուի անոր դէմ ուղղուած «քաղաքական պատիժ» մը:
Աղբիւրը նաեւ կը նշէ, որ Հարիրի վրդոված է, որ Ղարիպ անցեալ շրջանին այցելեց Դամասկոս, առանց խորհրդակցելու իր հետ:
Նշենք, որ Հարիրի այս ժողովին կը մասնակցի իր հետ ունենալով կրթութեան նախարար Աքրամ Շհայէպն ու ընկերային հարցերու հայազգի նախարար Ռիչարտ Գույումճեանը:
