Լիբանանի գործարարական շրջանակներուն մէջ յայտնի անուն հանդիսացող երեսփոխան Նաամաթ Աֆրամ երէկ պակերասփռուած հաղորդման մը ընթացքին ուշագրաւ յայտարարութիւններ կատարեց վերջին օրերուն երկրի մէջ տիրող կացութեան վերաբերեալ:
Նաամաթ Աֆրամ ըսաւ, որ «Ճիշդ է, բոլոր լիբանանցիները պէտք է պայքարին կաշառակերութեան դէմ, սակայն վերջին օրերուն արձանագրուող զարգացումները եւ կաշառակերութեան դէմ ընթացք առած այս պայքարը աւելի լաւ կ'ըլլար եթէ այս ոճով չընթանար»:
Յիշեցնենք, որ Նաամաթ Աֆրամ կը խօսէր յատկապէս «Հըզպալլա»ի կողմէ ընթացք առած պայքարի մասին, որուն գլխաւոր թիրախն է Լիբանանի նախկին վարչապետ Ֆուատ Սինիորան: