BBC կայանի տնօրինութիւնը երէկ իր աշխատակից Ռիամ Տալաթիի կողմէ կատարուած յայտարարութիւններէն ետք հանդէս եկաւ յատուկ յայտարարութեամբ մը, նշելով, որ Ռիամ Տալաթիի կողմէ հնչած տեսակէտները չեն ներկայացներ կայանի պաշտօնական տեսակէտը:
Յիշեցնենք, որ Ռիամ Տալաթի աւելի վաղ կարեւոր յայտարարութիւններ կատարած էր այն մասին, թէ Տումայի մէջ տեղի ունեցած յարձակումը քիմիական չէր եւ այդ խնդրի վերաբերեալ տարածուած տեսանիւթերը սուտ եւ իրականութեան չհամապատասխանող տեսանիւթեր էին:
Յիշեցնենք, որ Տումայի դէպքերու ատեն միջազգային հանրութիւնը բուռն մեղադրանքնր եւ ծանր քննադատութիւններ յղեց Սուրիոյ նախագահ Պաշշար Ասատի եւ անոր իշխանութիւններու հասցէին, յայտարարելով, որ Պաշշար Ասատ պէտք է պատժուի եւ հեռացուի իշխանութենէն: