Լիբանանի վարչապետ Սաատ Հարիրի կարճատեւ այցով մը պիտի վերադառնայ Լիբանան, մասնակցելու համար յառաջիկայ երկուշաբթի օր տեղի ունենալիք խորհրդարանի արտակարգ նիստին: Այս մասին տեղեկութիւնը կը փոխանցէ «Ալ-Ժատիտ» կայանը, յղում ընելով Հարիրիի նստավայրին՝ Պայթ Ալ-Ուասաթին մօտիկ կանգնած աղբիւրներուն:
Նոյն աղբիւրները յայտնած են, որ Հարիրիի Լիբանան կեցութիւնը մշտական պիտի չըլլայ եւ ան մասնակցելէ ետք խորհրդարանական ժողովին, դարձեալ պիտի մեկնի Փարիզ եւ շարունակէ այնտեղ մնալ:
Յիշեցնենք, որ խորհրդարանին առջեւ դրուած կարեւորագոյն օրակարգն էԼիբանանի ելեկտրականութեան ապահովման խնդիրը: Երեսփոխանները պէտք է քուէարկեն դրամական յատկացումի օրինագիծի մը վրայ, որուն հիմամբ Լիբանան պէտք է վճարէ վերջերս Պէյրութ հասած «fuel oil»ի մեծ քանակութեամբ գումարները:
Յիշեցնենք, որ այդ ալճերիական նաւթատար նաւերուն շնորհիւ կարելի եղաւ Լիբանանը հեռու պահել ամբողջական խաւարէ: