13.09c
Երեվան
երք, ապր 16
Սուրիոյ նախագահ Պաշշար Ասատի հօրաքրոջ անունը, որուն մասին օրեր առաջ հրապարակումներ լոյս տեսած են, կը շարունակէ մնալ անյայտ: Այս մասին կը գրէ բրիտանական «Daily mail» պարբերականը, նշելով, որ Ասատի Լոնտոն բնակող հօրաքոյրը փորձած է բրիտանական հպատակութիւն ստանալ, սակայն մերժուած է պետական մարմիններու կողմէ:
Աղբիւրը նաեւ կը հաղորդէ, որ Ասատի հօրաքրոջ կողքին, նոյնպէս հպատակութեան դիմած են Սուրիոյ նախկին նախագահ Հաֆէզ Ասատի եղբօր՝ Ռըֆհաթ Ասատի երեք զաւակները, որոնք նոյնպէս մերժում ստացած են:
«Daily mail» նաեւ կը յայտնէ, որ Մեծն Բրիտանիոյ կառավարութիւնը այսպիսի կտրական կեցուածք որդեգրած է, այն մտավախութեամբ, որ հպատակութիւն տալու որեւէ որոշում չբացատրուի, թէ Մեծն Բրիտանիա սկսած է դրական վերաբերմունք ունենալ Սուրիոյ նախագահին եւ անոր վարչակարգին հանդէպ:
