Անցնող գիշեր քրտական ջոկատներու եւ թրքական Զինուած ուժերու միջեւ բախումներ գրանցուած են, Թուրքիոյ եւ Սուրիոյ սահմանին:
Այս մասին հաղորդող «Sputnik» լրատուական գործակալութիւնը նաեւ կը նշէ, որ սուրիական Թէլ Ապիատ շրաջնի մէջ գտնուող քիւրտ զինեալներ հրթիռ արձակած են Թուրքիոյ ուղղութեամբ, որուն ի պատասխան թրքական կողմը ծանր հրետանի գործի դրած է Ուրֆայի Աքչաքալէ շրջանի իրենց դիրքերէն:
Օրերս թրքական ԶՈւ-ն առաջին անգամ գնդակոծած է Մընպէճի մէջ քրտական դիրքերը: Այս առնչութեամբ նախագահ Էրտողանի խօսնակ Իլնուր Չեւիկ ըսած է. «Սա զգուշացում է: «Բարեկամական ուղերձ» ԱՄՆ-ին, որ կը շարունակէ չպարտադրել՝ տարածքին մէջ իրենց ոտքը ամրացուցած քիւրտ զինեալներուն հեռանալ այստեղէն: Թուրքիան այս ուղերձները յղած է նաեւ Աֆրինի մէջ ու ըրած այն, ինչ պէտք էր: Հիմա հերթը Մընպէճին ու Եփրատի արեւելեան ափինն է»: